DKBA ၉၉၉ တပ်ရင်း(၁) ဗိုလ်ကတုံး လက်အောက်ခံ တပ်သား ဖားဒို့ခို
မိမိကိုယ် မိမိ အဆုံးစီရင်ခြင်းအကြောင်း
ဖားဒို့ခို ၁၉နှစ် ကော့ကရိတ်မြို့အနီး နန်းရွှေမင် ကျေုးရွာတွင်နေပါတယ်။ ၂၈.၁၁.၀၈ နေ့တွင် ဖားဒို့ခို
သည် တပ်မဟာ(၆) ဘက်သို့ရှေ့တန်းသွားရမည်။ ရှေ့တန်းသို့ သွားလျှင် ကေအင်ယူနှင့် တိုက်ရမည်။
ထို့ကြောင့် သူပြောသည် ။
"ကရင်အမျိုးသားအချင်းချင်းတော့ မပစ်ချင်တော့ဘူး။တော်ပြီ အကယ်၍ တကယ် သွားရရင်တော့
ငါ့ကိုယ်ငါ ပြန်ပစ်သတ်မယ်။ ဒါမှ အေးမယ်"
ဟု ပြောခဲ့သည်။ ဤနေ့တွင်ပဲ သူ့ကိုယ်သူ အဆုံးစီရင်လိုက်ပါတယ်။ ဖားဒို့ခိုသည် ဒီကေဘီအေ
ဘိုကတုံး အမိန့်အရ ဒီကေဘီအေတပ်ထဲသို့ အတင်းအဓမ္မ သွတ်သွင်း ခိုင်းစေခံရသူ တဦးဖြစ်သည်။
ဤဖြစ်စဉ်သည် ရိုးရိုးစဉ်းစားလျှင် ရိုးရိုးလေးပဲ ဖြစ်သည်။ ဒါပေမယ့် သူပြောသွားတဲ့ စကားရပ်လေး
တခုမှာ စဉ်းစားစရာတွေ ဖြစ်ခဲ့တယ်။
"ကရင့်အမျိုးသား အချင်းချင်းမပစ်ချင်တော့ဘူး"
ဆိုတဲ့ စကားဟာ အညတရ လူငယ်လေးတဦး၏ ရင်တွင်း၌ ဘယ်အတိုင်းအတာအထိလောင်ကျွမ်းခဲ့
သလဲဆိုတာ စာဖတ်သူတိုင်း စဉ်းစား ခံစားလို့ ရပါတယ်။လူသားတိုင်းဟာ ကိုယ့်အသက်ကို ကိုယ်
အချစ်ဆုံးပါ။စာရေးသူကိုယ်တိုင် အမျိုးသားရေး မှာ အကြိမ်ပေါင်းများစွာ မျက်ရည်ကျခဲ့ရဘူးပါတယ်။
ဒါပေမယ့် အမျိုးသားရေးမှာ ဟန့်တားလို့မရပါ။
ကရင့်အမျိုးသားရေးသည် ကရင့်အမျိုးသားတိုင်းမှာ တာဝန်ရှိ၏။ကရင့်မျိုးသား အချင်းချင်း ပဋ္ဋိပက္ခ
ဖြစ်မှုတွင် ဖားဒို့ခို လုပ်ရပ်နှင့် မတူပေမယ့် ဖြစ်ရပ်များစွာရှိခဲ့ပါသည်။ ၁၉၉၄ ခုနှစ် ဒီဇင်ဘာလမှ
စ၍ ယနေ့တိုင် ယူကြုံး မရသည့် ဖြစ်ရပ်များစွာ ရှိခဲ့ပါသည်။ ဤအနိဌာရုံ ဖြစ်ရပ်များ ရပ်စဲပစ်ရန်
ကျွန်တော်တို့ ကရင် အမျိုးသားများ ဘယ်လို ဝိုင်းဝန်း ဆောင်ရွက် ကြမည်နည်း။
ကရင် အမျိုးသား အချင်းချင်း ပဋ္ဋိပက္ခမှုကြောင့် အသက်သွေး ချွေးများစွာ စတေးခဲ့ရပြီ။ ကရင့်
တမျိုးသားလုံး မျက်နှာ ညိုးနွမ်းခဲ့ရပြီ။ မင်းတို့ ကရင်ညီညွတ်အောင် လုပ်လို့မရဘူးလား။ ဤကဲ့သို့
အမေးခံရသည်။ ဒီလောက် သတ်ကြတာ တော်ပြီပေါ့။ ဤကဲ့သို့ လည်း အပြောခံရသည်။
အဲဒီတော့ ကျွန်တော်တို့ မည်ကဲ့သို့ လုပ်ကြမည်နည်း။တဦးကောင်း တယောက်ကောင်း လုပ်လို့
မရပါ။ ကမ္ဘာတဝှမ်းလုံးရှိ ကရင့်တမျိုးသားလုံး စည်းလုံးညီညွတ်စွာ ဝိုင်းဝန်းလုပ်ဆောင်ကြသော်
ကရင် တမျိုးသားလုံး လိုလား တောင့်တနေသည့် ကရင့် အမျိုးသား သွေးစည်း ညီညွတ်ရေးကို
ရရှိမည်ဖြစ်သည်။ တဆက်တည်းမှာပဲ ကရင့်အမျိုးသားများလည်း နေ့တဒူဝ ကိစ္စတွေကို ခါးစည်းပြီး
ခံနေရတဲ့ ဘဝမှ လွတ်မြောက် မှာဖြစ်တယ်။
ဟိုးရှေးရှေးတုန်းက ကျွန်တော်တို့အဖိုး ဖူးထောမဲ့ပါက သူ့သားသမီးများကို ခေါ်ပြီး ဝါးလေးတွေ
တယောက် တပိုင်းစီ ယူလာ ခိုင်းပါတယ်။ သားသမီးများ ရောက်တော့ ဝါးပိုင်းလေးတွေစုစည်းပြီး
အစည်းဖြစ်အောင် ချီခိုင်းထားပြီး တယောက်ပြီးတယောက် ချိုးခိုင်းတယ်။ကျိုးအောင်ချိုးခိုင်းတယ်။
ချိုးလို့မရပါ။
နောက် အဖိုးက - ဝါစည်းးကိုဖြည်ခိုင်းသည်။ဝါးစည်းပြေ သွားပြီး အဖိုးက သားတယောက်ကို ပြောတယ်။
"ကဲ- မင်းအဲဒီ အစည်းပြေ သွားတဲ့ ဝါးချောင်းတချောင်း ကောက်ပြီးချိုးကြည့်စမ်း။" သားတယောက်က
ထင်းချောင်းလေးကို ကောက်ချိုးလိုက်တယ်။ ဝါးပိုင်းလေး ကျိုးသွားတယ်။
ထို့နောက် အဖိုးထော့မဲ့ပါက သားသမီးများကို ဤကဲ့သို့ မှာကြားခဲ့ပါသည်။
"ကဲ သားတို့ သမီးတို့ မြင်တဲ့ အတိုင်းပဲ အစည်းဖြစ်တဲ့ ဝါးပိုင်းလေးတွေကို မင်းတို့ ချိုးလို့ မရဘူး။
အစည်းပြေသွားတဲ့ ဝါးပိုင်းလေးတွေကို တချောင်းစီ ကောက်ပြီး ချိုးလို့ရတယ်။ အဲဒီ ဥပမာလေးကို
အတုယူကြပါ။ မင်းတို့ စည်းစည်းလုံးလုံး ညီညီညွတ်ညွတ် ရှိကြမယ်ဆိုလျှင် ဘယ်သူမှ ဖျက်ဆီးလို့
မရဘူး။ မင်းတို့ညီအကို မောင်နှမတွေ စည်းလုံးမှု မရှိဘူး၊ နားလည်မှု မရှိကြဘူး၊ အကွဲကွဲ အပြားပြား
ဖြစ်ကြမယ်ဆိုလျှင် သူများ အနိုင်ကျင့် ခံရမယ်။ ဘဝ အခက်အခဲ အမျိုးမျိုး ကြုံကြရမယ်။ ဒါကြောင့်
သားသမီးအားလုံး ဥမကွဲ သိုက်မပျက် စည်းလုံး ညီညွတ်စွာ အသက်ရှင် နေထိုင်ကြပါလို့"အဖိုးက
မှာကြားခဲ့ပါတယ်။
ကဲ အဖိုးကတော့ မှာကြားခဲ့ပြီးပြီ။ ဒီတော့ ယ္ခုအသက်ရှင် ကျန်နေသေးတဲ့ ကျွန်တော်တို့ ညီအကို
မောင်နှမ တတွေ ဘယ်လိုလုပ်ကြမလဲ။ ကိုယ့်နေရာမှာ ကိုယ်ထိုင်ပြီး စည်းလုံး ညီညွတ်ကြပါလို့
သွားပြောလို့ မရဘူး။ အကြံကောင်း ဥာဏ်ကောင်းတွေ တင်ပြကြပါ။ သဘောထား အမြင်တွေ
တင်ပြကြပါ။ တွေ့ဆုံကြပါ၊ ဆွေးနွေးကြပါ၊ အဖြေရှာကြပါ၊ ဒါမှသာ နားလည်မှု ရရှိကြမှာ ဖြစ်ပါတယ်။
ဖားဒို့ခိုတယောက် ကောင်းရာသုဂတိ လားပါစေ
ကရင်အမျိုးသားများ စည်းလုံးညီညွတ်ကြပါစေ
(ကဆောဝါး)
ဆောင်းပါးရှင် ကဆောဝါးသည် လက်ရှိ ကေအန်အယ်အေတွင် တာဝန်ထမ်းဆောင်နေသော
ခေါင်းဆောင် တဦးဖြစ်ပါသည်။
Posted by saffrontoward
Subscribe to:
Post Comments (Atom)
No comments:
Post a Comment