ခရီဒင်ရှယ် ချဲလင်း နှင့်လမ်းပျောက်သွားတဲ့ MPU

ပြည်သူ့ ဘက်တော်သားတစ်ဦး

၁၉၉၀ ခုနှစ် ရွေးကောက်ပွဲ အနိုင်ရ ပြည်သူ့  လွှတ်တော် ကိုယ်စားလှယ်များပေါင်းစု ဖွဲ့ စည်း ထားတဲ့ MPU ဟာ
မဲဆောက် တော်လှန်ရေး နယ်မြေမှာ အခြေစိုက်တယ်။ NCUB ရဲ့  ဒေါက် တိုင်လည်းဖြစ်တဲ့ MPU ဟာ NCUB က
ချမှတ်တဲ့ နိုင်ငံရေးလမ်းကြောင်းအတိုင်းလျှောက်လှမ်း ပြီး NCGUB ရဲ့ ထောက်ပံ့ကြေးနဲ့ ရပ်တည်နေခဲ့ ရ တယ်။
မဲဆောက်မှာ အခြေပြု လှုပ်ရှားနိုင်ဖို့  NCGUB ရဲ့ ထောက်ပံ့မှုဟာ အရေးပါခဲ့ပါတယ်။

NCUB ရဲ့ မဟာဗျူဟာမြောက် အချို့ နိုင်ငံရေး လမ်းစဉ်တွေဟာ၊ ပြည်သူ့ ဆန္ဒ (mandate) ရ ရှိထားတဲ့ MPU က
ပူးပေါင်းဆောင်ရွက်မှ သာလျှင် အောင်မြင်မှု ရရှိမှာ ဖြစ်ပါတယ်။ ၂၀၀၇ ခု နှစ်က စလို့  ၂၀၀၈ ခုနှစ်နှစ်ဆန်းပိုင်း
မှာ NCUB က ၀ါရှင်တန်မှာ NCGUB ကို ဆွေးနွေးခဲ့ တယ်။ ဇူလိုင်လမှာဗိုလ်ချူပ်ကြီးတာမလာဘောကလက်မှတ်
ရေးထိုး တရားဝင် မေးမြန်းခဲ့တဲ့ ခရီဒင်ရှယ် ကိစ္စကို NCGUB က အချိန်ပေး မဆွေးနွေးဘူး ဆိုပါတယ်။

တိုင်းပြည် အုပ်ချူပ်နေတဲ့ အစိုးရတရပ်ဟာထစ်ကနဲဆို ဘာသိချင်လဲ ? ဘယ်လို ဖြစ်ခဲ့သလဲ?ဘယ်တိုင်းပြည်မှာ
ဒီလိုမျိုး ကြိုးစားခဲ့ကြ သလဲ? ထစ်ကနဲ သိနိုင်ရမှာပါ။ ဒေါက်တာ သောင်းထွန်း၊ ဒေါက်တာ ဇော်ဦး၊ ဦးတင်ထွဋ်
တို့ ဟာ ယခင်က အကြံပေး ပုဂ္ဂိုလ်တွေပါ။ ကုလသမဂ္ဂနဲ့  ရင်းနှီးတဲ့ ဒေါက်တာ သောင်းထွန်းဆို အားလုံးသိ နိုင်
ပါတယ်။

NCGUB ကထုတ်တဲ့ ညွန့် ပေါင်း သတင်းစဉ်ကို ဖတ်ရင်တောင်မှ ဟေတီ၊ဆီရီယာလွန်၊ စတဲ့ နိုင်ငံတွေ တင်သွင်း
ခဲ့လို့  ကုလသမဂ္ဂမှာ စစ်အစိုးရပါဝင်မှု လစ်လပ်ထားခဲ့တာကို သိရမှာပါ။ ဇူလိုင်၊ သြဂုတ်၊ စက်တင်ဘာလတွေမှာ
ဒါတွေကို အလေးအနက် NCGUB ၀န်ကြီး အချင်းချင်း၊ MPU နဲ့ ကော ဆွေးနွေးခဲ့ပါသလား။

MPU အနေနဲ့ ကတော့ NCGUB ရဲ့ ရှုံးမှာ ကြောက်တယ်၊Dialogue ထိခိုက်မှာစိုးတယ်၊ နအဖကို Isolation မလုပ်
နိုင်ဘူး၊ သံတမန် ဖြတ်မယ် ဆိုတာ တိကျပြတ်သားတဲ့ ဆင်ခြေဆင်လက်လို့ မယူဆနိုင်ဘူး။ ရှုံးရှုံးနိုင်နိုင်ကြိုးစား
ကြည့်ရမှာဘဲ။ ရှုံးရင် ဘာ့ကြောင့် - နိုင်ရင် ဘယ်လို ဆိုတာ သိရမယ်။ အချက် အလက် အထောက်အပံ့ ပေးနေ
တဲ့ ရှေ့ နေအဖွဲ့ လည်း ယုံတယ်။ NCUB က Team ဖွဲ့  လုပ်နေတာလည်း ထောက်ပံ့ပေးချင်တယ်။ သံတမန်
ဖြတ်ဖို့ ဆိုတာက ခရီဒင်ရှယ် ကော်မတီမှာ ပါတဲ့ နိုင်ငံတွေက ဘော့စ်ဝါနာ၊ ဆိုက်ပရပ်၊ မက္ကဆီိ ကို၊လူဇင်ဘတ်၊
မိုဇမ်ဘစ်၊စင်တင်နီဗစ်(ကျွန်းနိုင်ငံ)အားလုံးတို့ ဟာ မြန်မာ နိုင်ငံနဲ့  သံတမန် အဆက်အသွယ် မရှိကြ ပါဘူး။

အရေးကြီးတာက ဗွီတိုနဲ့  ပယ်ချနိုင်တဲ့ ကိစ္စ မဟုတ်ဘူး။ ဗွီတို မသုံးနိုင်ဘူး။ အရှုံးမရှိ နိုင်ပါလို့  ယုံကြည်တယ်။
ဒါပေမယ့် Lobby လုပ်တဲ့ နိုင်ငံတွေ၊ Lobbyလုပ်ပေးဖို့  ချဉ်းကပ်တဲ့ နိုင်ငံတွေက “ မင်းတို့  စင်ပြိုင်အစိုးရဘာလို
့မလုပ်တာလဲ ၊ MPU ဘာလဲ?” လို့  အမေးခံရ တော့ “ မင်းတို့  စင်ပြိုင်ကတောင် မလုပ်တာ ၊ နေသာသပ
ရွှေညာက “ လို့ ပြောလိုက်တော့ ဘာလုပ်ကြမလဲ ? ။

အဲဒီတော့ ညီလာခံလုပ်မယ်၊ အခြား MP တွေကို တီး ခေါက်ကြည့်တော့ ခရီဒင်ရှယ် ကိစ္စ ဆက် လုပ်ချင်တယ်။
ထောက်ခံမယ်၊ ညီလာခံမှာ အားလုံး သဘောတူရင် ၀န်ကြီးချူပ်က လက်မှတ် ထိုးမှာလား။ ညီလာခံကို NCGUB
က ၂၀၀၉ ခုနှစ် နှစ်စ Jan လကုန် Feb ရောက် ချင်ရောက်မယ် ဆိုတော့ ခရီဒင်ရှယ် ကိစ္စကို Dec မှာ တင်ရင်
ရသေးတယ်၊ ကြိုးစား ကြည့်ချင်တယ်၊ NCGUB မလုပ်ပေးရင် ကိုယ်ဘာသာကိုယ်ငွေချေးငှား ရှာဖွေပြီး လုပ်မယ်
ဆိုတော့ “NCGUB က လုပ်ချင်လုပ်လေ၊ ကျူပ်တို့ မတက်ဘူး” တဲ့ ။

အဲဒီတော့ Dr တင့်ဆွေ ပြောသလို၊ အကြေအလည် ဆွေးနွေးသဘောတူခဲ့တယ် ဆိုတာက၊ Nov မှာ ညီလာခံ
မလုပ်ကြနဲ့ ၊ အထူးစည်းဝေးပွဲ လုပ်ကြ၊ ဘာလုပ်လုပ် ကျူပ်တို့  မတက်ဘူး၊ ဆိုတဲ့ NCGUB ရဲ့  တချက်လွှတ်
Dialogue နဲ့ အဆုံးသတ်သွားတာပါ။ဝန်ကြီးချူပ်က MP တွေ ၁၀၀% လက်မှတ်ထိုး ဆုံးဖြတ်လည်း သူကတော
့ လက်မှတ် မထိုးနိုင်ဘူး လို့ ပြောမှ တော့ MPU လမ်းပျောက်သွားရှာပြီ ပေါ့။

Dr လွဏ်းဆွေ blog က စိုင်းနောင့် (ဆောင်းပါးရှင်) ကတော့ NCGUB ကို ပညာပေးဖို့ ၊ အရှက်ခွဲဖို့ ၊ သိက္ခာချဖို့ 
အဓိကဦးတည်မယ်ဆိုရင် ပြည်သူတွေက စိတ်မ၀င်စားပါဘူးဆိုပါတယ်။ ပြည်တွင်းက လှမ်းပြီး ၊နအဖအကြိုက်
မဖြစ်ပါစေနဲ့ ၊ ညီညွတ်ကြပါ၊ဒေါက်တာစိန်ဝင်း မဖြုတ်ပါနဲ့ လို့ ပြောပါတယ်။ မဖြုတ်ချင်ပါဘူး၊ဒေါက်တာစိန်ဝင်း
ိုးသားတာ လူတိုင်း သိ၊အားလုံး ကြည်ညို ကြပါတယ်။ NCGUB ၀န်ကြီးတွေလည်းကိုယ့်သမိုင်းကိုယ်ရေးတာပါ။
သူတို့  မရှိရင် မဖြစ်ပါဘူး။ဘယ်သူက နိုင်ငံတကာသွားပြီး Lobby လုပ်ရအောင်ဘာသာစကားကျွမ်းကျင့်သလဲ၊
Pass port ရှိသလဲ၊ MPU မှာ ဒါတွေ မရှိပါဘူး။

“နအဖ မောင်းထုတ် ခံရရေးထက် ကိုယ့်တဦး တယောက်၊ တသင်း တဖွဲ့ နာမယ်ရဖို ၊့ ငွေရဖို့  ကြည့်ကြတဲ့
အတွက် ခရီဒင်ရှယ် ချဲလင်းကြီးဟာ ဖွတ်ရှူး ဖြစ်သွားပြီ “ တဲ့။ မဟုတ်ပါဘူး။ NCUB က ဒီကိစ္စ လုပ်ဖို့ တပြားမှ
ငွေမရှာပါဘူး။ ဦးမောင်မောင်ကို ငွေရသလားလို့  Review လုပ်မယ် တကဲကဲ ဖြစ် နေသူတွေလည်း ငွေမရှာ
ငွေမရမှန်းသိလို့  NCUB မှာ မဆွေးနွေးဖြစ် ပါဘူး။

တဦး တယောက်ကခိုင်းလို့  MP တွေက လုပ်ရတယ် ဆိုတဲ့ လက်ညိုးထိုးတာလဲငါမလုပ်နိုင်ရင်သူများလုပ်တာ
ကဖျက် ယဖျက်၊ မနာလိုလို့  ပြောကြတာပါ။MPUကသူများခိုင်းတိုင်းလုပ်ရအောင်ဦးနှောက်မရှိတာမဟုတ်ပါ။
MP တွေရဲ့ Mandate ဟာ ၂၀၁၀ မှာ သေဆုံးပါပြီး။အခုကို ဖုတ်လိုက် ဖုတ်လိုက် ဖြစ်နေတဲ့ အခါမှာMandate
ကို အသုံးပြုဖို့ NCUB နဲ့ MPU ကသဘောထား ရှိကြတယ်။ Dialogue ကို ဆွေးနွေးပွဲ ၊Dialogue စားပွဲပေါ်ကို
တွန်းပို့ တဲ့ ဆောင်ရွက်ချက် ဖြစ်တယ်လို့  MPU က သဘောထားပါတယ်။

ခရီဒင်ရှယ် ချဲလင်း ကိစ္စမှာ NCGUB ၀န်ကြီးချူပ်က ဆိုတဲ့ “အများ ဆန္ဒ မလိုက်လျောနိုင်ဘူး၊ ကိုယ့် ယုံကြည်
ချက်နဲ့ ကိုယ်” ဆိုတဲ့ ဒီမိုကရေစီ ဖွင့်ဆိုချက်ဟာ မှန်လား? မှားလား?

၂၀၁၀ နအဖ ရွေးကောက်ပွဲ မတိုင်ခင်မှာ နအဖ သည် တရားဝင်အစိုးရ မဟုတ်လို့ ၊ ကုလသမဂ္ဂ မှာတောင်
နေရပေး မခံရတဲ့ အစိုးရ ဖြစ်လို့  ၊ သူလုပ်တဲ့ ရွေးကောက်ပွဲဟာ လည်း တရားမ၀င် အတင်းအကြပ် မတရား
ပြုလုပ်နေတာ ဘွင်းဘွင်းကြီးပေါ်အောင် MPU က Credential Challenge နဲ့  မလုပ်နိုင်တော့ဘူးလား။
ခုတော့ MPU လမ်းပျောက်သွားခဲ့ပါပြီး။ ။

ပြည်သူ့ ဘက်တော်သား တစ်ဦး

အီးမေး(လ်) ဖြင့်ပေးပို့ သူအား ကျေးဇူးတင်ပါသည် ။(လမင်းခင်)