ပြည်သူ့ လွှတ်တော်ကိုယ်စားပြုကော်မတီ စီအာ(ရ်)ပီပီ ရှိနေပြီးသား မို့  ဒီကော်မတီတရပ်ကို
တဆင့်တိုးမြင့်ဆောင်၇ွက်လိုက်ရုံနဲ့  ရည်ရွယ်ချက်ပြီးမြောက်သွားပါလိမ့်မယ်လို့ ကျမယုံကြည်
ပါတယ်။ ဒါ့ ကြောင့်စီအာ(ရ်) ပီပီကို တဆင့် တိုးမြင့်ဖို့ တိုက်တွန်းကြရမှသာလျှင်အားဖြည့်ကြ
မှသာလျှင်အန္တိမရည်မှန်းချက်ဆီရောက်မည်ဖြစ်ပါသည်။။
ဒီကနေ့  သတင်းနှစ်ခု ကို ကျမ တချိန်တည်းဖတ်မိလိုက်တယ် တစ်ခု က မှတ်ပုံတင်ရင် ကန့် ကွက်မယ်
ဆိုတဲ့ မြို့ နယ်တွေစာရင်းမှာကျမ ပါတီတာဝန်ယူစဉ် ရပ်တည်ဆောင်ရွက်ခဲ့တဲ့ အင်းစိန် တွေ့ လိုက်ရလို့ အင်မတန်ဝမ်းသာမိပါတယ်။
နောက်ထပ် မေး(လ်)တစ်ခုကိုဖွင့်လိုက်တော့ အန်တီ့ခြံထဲကပါးလိုက်တဲ့ လက်ဆောင် ဗူးသီးကြီး ကိစ္စ ။။ သေချာတယ် အန်တီက ဗူးဆိုဖရုံမသီးဘူးဆို
တဲ့ သင်္ကေတ -ဒီ့အတွက်လည်း ကျမ အတိတ် ကိုပြန်သတိရပြီး အန်တီ ၁၉၉၆ က ပါတီလူငယ် တွေကို
မတ်ဆိတ် ပေးခဲ့ပုံလေးလက်ဆင့်ကမ်းလိုက်ပါတယ် ။
၁၉၉၆ မှာ ကျောင်းသားတွေ က နိုင်ငံေ၇းမပါ ကျောင်းသားအအေ၇း ကျောင်းသားသမဂ္ဂပဲတောင်းဆိုကြမယ် ဆိုပြီးကျောင်းသား
ထု လမ်းပေါ်ရောက်လာပါတယ် ၂-၁၂-၁၉၉၆ မှာဦးထောင်ဘိုလမ်းအထိ ရန်ကုန်အင်းစိန်လှည်းတန်းကနေကျောင်းသားတွေ
ချီတက်ကြတယ်
ကျမလည်းအဖွဲ့ ချုပ်ရုံကစောစောပြန်ပြီး ကျောင်းသားထု ဘေးမှာပေါ့  --ဘေးမှာဆိုလို့ ကျမရှောင်နေတာလားဆို မဟုတ်ပါဘူး။
အဲဒီ့ဆန္ဒပြပွဲမှာပါဝင်နေကြတဲ့ကျောင်းသားကျောင်းသူတွေဟာ ဒေါ်အောင်ဆန်းစုကြည် ခြံဝန်းထဲမှာ ကျမတို့ နဲ့ အတူစာဖတ်ဝိုင်း
လုပ်ပြီးဆွေးနွေးနေကျ ဆိုတော့ ကျမမျက်နှာကို သူတို့ ရင်းနှီးနေတဲ့ အတွက် ကျမ ၀င်ဆန္ဒပြချင်တာတောင်သူတို့ က ခွင့်မပြုခဲ့
ပါဘူး ။ပါတီနိုင်ငံရေးမပါဘူးတဲ့လေ
၂ရက်နေ့  ချီတက်ဆန္ဒပြပွဲ မှာမည်သို့ ပင် ကျောင်းသားလှုပ်ရှားမှုသီးခြားဖြစ်စေကာမူပါတီဝင်တွေ မြို့ နယ်လူငယ်ခေါင်းဆောင်
တွေ ကတော့ မနေသာပါဘူး လိုက်ပါကူညီခဲ့ပါတယ်။ အဲဒီည (၃-၁၂-၁၉၉၆) အကူးမှာပဲ မသီသီအောင် အပါအ၀င် ပါတီလူငယ်
၎ဦးကို ဖမ်းဆီးခဲ့ပါတယ် ။ ဖမ်းဆီရတဲ့အကြောင်းရင်းက ဆန္ဒပြ သူတွေ ကိုလိုက်ကူညီတာရယ်အန်တီ့ကို ဒီသတင်းသွားပြော
တာရယ်ကြောင့်ပါ။
ဒီသတင်း နဲ့ ပတ်သတ်ပြီးကျမ က အန်တီရဲ့ သဘောထားကိုသိတ်သိချင်ပါတယ်ကျမအန်တီနဲ့ တွေ့ ခွင့်တောင်းတယ်အန်တီက
ရုံးမှာလူငယ်တွေစုထား အန်တီလာမယ်ဆိုပြီးလူငယ်တွေ အားလုံးရှေ့ မှာ အန်တီ မေး ခဲ့တဲ့ စကား က NLD ဟာပြည်သူ့ ရှေ့ရပ်
ရမှာလားပြည်သူက NLD ရှေ့က ရပ်ရမှာလား ဆိုတာရယ် -ကျောင်းသားတွေဟာဘယ်သူ့ ရင်သွေးတွေလဲ ဆိုတာရယ်ဗိုလ်ချုပ်
တို့ လက်ထက်က မျိုးချစ် လူမိုက်လေးတွေ ရှိခဲ့တယ် ဆိုတာရယ် ပဲ မေးပြော--ပြောခဲ့ပါတယ် -
အန်တီ့ ဆီကကျမတို့ က ညွှန်ကြားချက်တောင်းတဲ့အခါအန်တီကလူငယ်တွေကအလုပ်မလုပ်ချင်ရင်ညွှန်ကြားချက်တောင်းကြ
တယ် လို့ ပြောပါတယ်။။
ကဲ ရဲဘော် တို့ 
ဒါတွေ ကို ကျမ က သုံးသပ် ပြီးမြင်ခဲ့တာ က အန်တီဟာ ကျောင်းသားလှုပ်ရှားမှု ကိုပါတီ က လူငယ်တွေ ပါတီဝင်တွေ
ကရှေ့ကရပ်ပေးရမယ် ။ သတ္တိရှိဖို့  ဆိုတာကို ဗိုလ်ချုပ်တို့  လက်ထက်က လူမိုက်အလို ရှိသည်ဆိုတာလေးနဲ့  သာဓကပြပြီး
ညွှန်ကြားချက်စောင့်သူတောင်းသူက မလုပ်ချင်သူ ကိုယ်စေတနာမှန်ရင် လုပ်သင့်တယ် ထင်ရင် လုပ်ရမယ် လို့ ညွှန်ကြားလိုက်
တယ်လို့ နားလည်ခဲ့ပြီး ၁၉၉၆ ကျောင်းသားဆန္ဒပြပွဲကို ပါဝင်ခဲ့ပါတယ်။
ကျမနဲ့ အတူ လူငယ်တစ်ချို့ ကဒီလိုသုံးသပ်ပေမဲ့ အချောင်သမားများကတော့ဒေါ်စုကနင်တို့ ကိုမလုပ်စေ့ချင် လို့ မပါဝင်စေ့ချင်
လို့ လူမိုက် လို့ ပြောတာပါဆိုပြီး ၁၉၉၆ ကျောင်းသားအရေးတော်ပုံ မှာ မျက်ကွယ်ပြုခဲ့ကြပါတယ်။ ဒါအချောင်သမားစိတ်ဓါတ်ပါ
ဒီအချိန်မှာ ကိုယ်ဘာလုပ်ရမယ် ဘာလုပ်သင့်တယ် ဆိုတာ သိသိ နဲ့ အထဲ က ဆုံးဖြတ်ချက်ကိုစောင့်မယ် တို့  အများသဘော
ကို ယူမယ် တို့ ဆိုတာ တော်လှန်ရေးအတွက် တကယ်အနှစ်မရှိတဲ့ အချောင်သမားတွေ ရဲ့ လက်နက်တခုပါပဲ ။
ခု အန်တီက ဗူးသီးပေးလိုက်တာကို လိုသလို စွဲ ပြောတယ်လို့  ကျမ ကိုပြောမယ်ဆိုရင်လည်း အန်တီ့ နုတ်ကထွက်တဲ့စကားကို
တော့ဖြင့် အလေးအနက်ထားသင့်ကြပါတယ်။
ထိပ်တိုက်တွေ့ ခဲ့ရတဲ့ ပြသနာတစ်ခု မှာဆိုရင် ဒီပဲယင်းလုပ်ကြံမှုကြီး ပြီးစမှာ လူထုခေါင်းဆောင်အပါအ၀င် စီအီးစီအားလုံး
ဖမ်းထားချိန်ပေါ့  ကျမလည်းထောင်ကထွက်ကာစပါတီမှာလည်းခေါင်းဆောင်ကို လုပ်ကြံမှုကြီးနဲ့ ကြုံတော့ မဖြစ်မနေ ကျမ
လူငယ်တွေ နဲ့ လှုပ်ရှားမှုတွေ ပြုနေစဉ် အန်တီ အာရှတော်ဝင်ဆေးရုံ မှာခွဲစိတ်ကုသခံနေရတဲ့အတွက် ကျမ တို့ လူငယ်တွေနဲ့ 
ထိုင်သပိတ်တွေပြုလုပ်နေဆဲ မှာ ဦးအောင်ရွှေ နောက်လိုက် ဒေါက်တာဝင်းနိုင်နဲ့ ကိုခင်ထွန်းဆိုသူရောက်လာပြီးပါတီရဲ့ ခွင့်ပြု
ချက်မရှိပဲ နဲ့ ဆန္ဒပြလို့ ဦးဆောင်တဲ့ ကျမ ကိုပါတီ အနေနဲ့ အရေးယူမယ်လို့ လာပြောပါတယ် ။
ကျမလည်းအရေးယူတာကနောက်ခုလောလောဆယ်ခေါင်းဆောင်ဆေးရုံတက်နေတာပြည်သူမပြောနဲ့ ပါတီဝင်အကုန်တောင်
မသိသေးမလာသေးတဲ့အတွက်ပြည်သူမြင်အောင်ဆက်ဆန္ဒပြ ခဲ့ကြပါတယ်။ တချို့ အချောင်သမားလေးတွေ ဆို ကျမတို့  ကို
ပစ်တင်ချုံ့ ချကြပါသေးတယ်။(ခု ကျမရေးတဲ့ စာဖတ်ပြီးသူတို့ လိပြာတွေ မလှမှာအသေအချာပါပဲ)
ကျမတို့ ဆန္ဒပြ လို့ သိတ်မကြာခင်မှာပဲ အန်တီက ကျမတို့ ကိုထောက်ခံကြောင်းပြန်ကြားလာတဲ့အခါ ဒေါက်တာဝင်းနိုင်တို့ 
ခမျာ ကျမတို့ ကိုတလေးတစားခေါ်ဆွေးနွေးပါတော့တယ်။။ ဒါအကျဉ်းတင်ပြတာပါ။ သူတို့ တွေ ရဲ့ ပါတီတွင်းသမိုင်းကြောင်း
တလျောက် (နှစ်နှစ်ဆယ်)ဖောက်ပြန်ချက်တွေ ကို ကျမတို့ လူငယ်ထု အများဆုံး သိရှိခံစားခဲ့ကြရတာပါ။
အတိတ်အကြောင်းလေး ဦးစွာတင်ပြပြီး ဆိုလိုချင်တဲ့ရည်ရွယ်ချက်ကတော့ ဒေါ်စု ဟာသူမရပ်တည်တာဝန်ယူနေရတဲ့နေရာ
ကနေ ဘာလုပ် ဘာလုပ် ဆိုပြီးအမိန့် ပေးမှာ မဟုတ်ပါဘူးသူဟာ ဒီမိုကရေကရေစီနဲ့ လူ့ အခွင့်အရေးတိုက်ပွဲ မှာ အမိန့် နဲ့ 
အာဏာနဲ့  ပါတီဝင်တွေပြည်သူတွေကို ဦးဆောင်သွားမဲ့သူမဟုတ်ပါဘူး ။
ခေါင်းဆောင်ရဲ့စိတ်နေစိတ်ထားနဲ့ စေတနာကို နားလည်သိတက်နေမဲ့နောက်လိုက်ကောင်းတွေနဲ့ ပြည်သူတွေ ကတော့ ဒီ
ီအခြေအနေမှာဒေါ်စု ဘာလုပ်စေ့ချင်သလဲ တို့ ကရော တိုင်းပြည်အတွက်စေတနာမှန်မှန် နဲ့ ဘာလုပ်သင့်သလဲ ဆိုတာ
ဆုံးဖြတ်ကြရမှာပါ ။
ကျမ တခုခု ဆုံးဖြတ်ချက်ချဖို့ မချင့်မရဲဖြစ်တိုင်းမှာ ၁၉၉၆ကဒေါ်စု ပြောတဲ့  တကယ်အလုပ်လုပ်ချင်သူ တိုင်းပြည်အတွက်
စေတနာမှန်သူတွေ လုပ်သင့်တယ်ထင်ရင် လုပ်၇မယ် မလုပ်ချင်ကြလို့  အထက်က ညွန်ကြားချက် စောင့်ကြတောင်းဆိုကြ
တာဆိုတဲ့ စကား ကို ပြန်ကြားမိပြီး လုပ်သင့်တယ် ထင်ရင် လုပ်ပါတယ် ။ ခုဒေါ်အောင်ဆန်းစုကြည် သဘောထားကိုလည်း
စောင့် ကြည့်ခဲ့ကြပြီးပါပြီ ကျမတို့ ဆို ခေါင်းဆောင်ရဲ့ မနောကို သုံးသပ်လာနိုင်ခဲ့တဲ့ အတွက် ရွေးကောက်ပွဲဥပဒေထွက်
ကတည်း က မှတ်ပုံမတင်သင့်ဘူးအော်ခဲ့ ပြောခဲ့ ကြသူတွေပါ။ခု မှတ် ပုံမတင်ဘူး ဆိုတဲ့ ဆုံးဖြတ်ချက် သေချာ ကျလာတော့
မဲ့ဒီကနေ့ မှာ ဘာပြင်ဆင်ထားလဲ လူထုခေါင်းဆောင် နဲ့ အတူ ဘဘဦးတင်ဦး ဘဘဦးဝင်းတင်တို့  က ဘာဖြစ်စေ့ချင်မလဲ
တိုင်းရင်းသားခေါင်းဆောင်တွေက ဘာ ကို ဦးတည်ချင်လဲ?????
ကျမတို့  ညွှန်ကြားချက်ကိုမစောင့် ပဲ တဆင့် တိုးပြီးစဉ်းစားပြင်ဆင်ကြရအောင်လား ??????
ပြည်သူ့ လွှတ်တော်ကိုယ်စားပြုကော်မတီ စီအာ(ရ်)ပီပီ ရှိနေပြီးသား မို့  ဒီကော်မတီတရပ်ကို တဆင့်တိုးမြင့်ဆောင်၇ွက်လိုက်
ရုံနဲ့  ရည်ရွယ်ချက်ပြီးမြောက်သွားပါလိမ့်မယ် လို့ ကျမယုံကြည်ပါတယ် ။ ဒါ့ ကြောင့် စီအာ(ရ်) ပီပီ ကို တဆင့် တိုးမြင့်ဖို့  တိုက်တွန်းကြရမှသာလျှင် အားဖြည့်ကြမှသာလျှင်အန္တိမရည်မှန်းချက်ဆီရောက်မည်ဖြစ်ပါသည်။။
Subscribe to:
Post Comments (Atom)
No comments:
Post a Comment