၂၂ နှစ်မြောက် ဖုန်းမော်နေ့ ဆုံးဖြတ်ချက်များ
13 .3.2010
ရန်ကုန် စက်မှုတက္ကသိုလ် ကျောင်းသားများမှ ဦးဆောင်၍ ထိုင်းမြန်မာ နယ်စပ်တနေရာတွင် ၁၉၈၈ ခုနှစ် မတ်လ ၁၃ ရက်နေ့ ရန်ကုန်စက်မှုတက္ကသိုလ်တွင် မဆလ တပါတီအစိုးရ၏ အကြမ်းဖက် ပစ်ခတ်သတ်ဖြတ်မှုကြောင့် ကျဆုံးခဲ့သည့် ကိုဖုန်းမော်နှင့် ကိုစိုးနိုင်တို့အတွက် ၂၂ နှစ်မြောက် ဖုန်းမော်နေ့ ဆွမ်းကျွေးတရားနာ အခမ်းအနားနှင့် အမှတ်တရ နိုင်ငံရေး ဆွေးနွေးပွဲကို ကျင်းပခဲ့ကြပါသည်။ ဤအစည်းအဝေးသို့ အဖွဲ့အစည်းအသီးသီးမှ နိုင်ငံရေးခေါင်းဆောင်များ ၊ ကျောင်းသားခေါင်းဆောင်များ ၊ သံဃာတော်များ ၊ စာနယ်ဇင်းသမားများ ၊ ပညာရေး နှင့် အလုပ်သမားအဖွဲ့အစည်းများ စုစုပေါင်း အယောက် ၆၀ ခန့် တက်ရောက်လာပါသည်။ အစည်းအဝေးတွင် လတ်တလော မြန်မာပြည် နိုင်ငံရေးအခြေအနေ အရပ်ရပ်ကို သုံးသပ်၍ အောက်ပါဆုံးဖြတ်ချက်များကို ချမှတ်နိုင်ခဲ့ပါသည်။
၁) စစ်အာဏာရှင်စနစ်သက်ဆိုးရှည်ရေးအတွက် ရေးဆွဲထားသည့် ၂၀၀၈ ဖွဲ့စည်းပုံအခြေခံဥပဒေနှင့် ထို အခြေခံဥပဒေကို အသက်သွင်းမည့် ၂၀၁၀ ရွေးကောက်ပွဲ ကို နည်းလမ်းပေါင်းစုံဖြင့် ဆန့်ကျင်ကန့်ကွက် သပိတ်မှောက်မည်။
၂) အမျိုးသားခေါင်းဆောင် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်အား ထောက်ခံ ၀ိုင်းရံပံ့ပိုးသွားမည်။
၃) အမျိုးသားဒီမိုကရေစီအဖွဲ့ ချုပ် အနေဖြင့် ရွှေဂုံတိုင် ကြေငြာချက်ကို ဆက်လက်ကိုင်စွဲ၍ နအဖ စစ်အုပ်စု၏ ၂၀၁၀ ရွေးကောက်ပွဲကို ဆန့် ကျင်သွားရန် တိုက်တွန်းအပ်ပါသည်။
၎) နအဖ စစ်အစိုးရပြုလုပ်မည့် ၂၀၁၀ ရွေးကောက်ပွဲတွင် နိုင်ငံရေးပါတီများအနေဖြင့် ရွေး ကောက် ပွဲဝင်ရောက်ခြင်း မပြုရန် အပြင်းအထန် တိုက်တွန်း အပ်ပါသည်။
၅) ရန်ကုန်မြို့တွင် ဖြစ်ပေါ်နေသည့် အလုပ်သမားသပိတ်များကို ၀ိုင်းဝန်းထောက်ခံပံ့ပိုးရန်နှင့် အခြားသော လူထုလူတန်းစားသပိတ်တိုက်ပွဲများ ဆက်လက်ပေါ်ပေါက်ပြီး အထွေထွေ လူထု သပိတ်ကြီး ဖြစ်ပေါ်လာသည်ထိ ဖော်ဆောင် တိုက်ပွဲဝင်ကြမည်။
၆) ဒေါ်အောင်ဆန်းစုကြည်နှင့်တကွ နိုင်ငံရေးအကျဉ်းသားအားလုံး အမြန်ဆုံး လွတ်မြောက်ရေး မှာ မြန်မာပြည် နိုင်ငံရေးဖြစ်ပေါ်ပြောင်းလဲမှုတွင် အလွန်အရေးကြီ်းသည်။
၇) အမျိုးသားဒီမိုကရေစီအဖွဲ့ချုပ်အပါအ၀င် ၁၉၉၀ ရွေးကောက်ပွဲအနိုင်ရ တိုင်းရင်းသား ပါတီများနှင့် ဖွဲ့စည်းထားသော ပြည်သူ့လွှတ်တော်ကိုယ်စားပြု ကော်မတီက သော်လည်းကောင်း၊ တာဝန်သိသိ တာဝန်ရှိရှိဖြင့် ပြည်သူ့လွှတ်တော်ကိုယ်စားလှယ်များက သော်လည်းကောင်း ပြည်သူ့အစိုးရကို အမြန်ဆုံး ဦးဆောင်ဖွဲ့စည်းရန်နှင့် ပေါ်ပေါက်လာမည့် ပြည်သူ့ အစိုးရကို အပြည့်အ၀ ထောက်ခံသွားမည်။
၂၂နှစ်မြောက် ဖုန်းမော်နေ့ ဆွေးနွေးပွဲ
ထိုင်း - မြန်မာနယ်စပ်
Contact – Than Doke -0861198091, Min Zaw -0857351457 ,
Subscribe to:
Post Comments (Atom)
No comments:
Post a Comment